monumenta.ch > Beda Venerabilis > sectio 216
Word Selection for Searching
Report an Error in this Sectio
Beda Venerabilis, De Temporum Ratione, 66, 216
Constantius privignam Herculii Theodoram accepit, ex qua postea VI liberos Constantini fratres habuit; Galerius filiam Diocletiani Valeriam. Post X annos per Asclepiodotum praefectum praetorio Brittaniae receptae. Decimo et nono anno Diocletiani, ipse in Oriente, Maximianus Herculius in Occidente, vastari ecclesias, affligi, interficique Christianos praecipiunt.